御滿屋日本料理

营业中

休息中

今日放假落旺角行街,每次落旺角都會搵啲好嘢食下,今日朋友帶咗我去一間好好味嘅日式放題御滿屋日本料理 ,地址喺彌敦道655號胡社生行1樓,送到餐廳環境非常闊落,裝修得好整潔坐低就可以出去自行選擇飲品,種類繁多有清酒梅酒,啤酒汽水有熟食櫃,中華沙律,螺肉,蟹籽,蜆真係好多嘢食應有盡有。坐低第一時間點呀刺身拼盤三文魚,赤蝦,松葉蟹棒,帶子,甜蝦,油甘魚,北其貝,劍魚腩,劍魚腩真係好好味,油脂豐富食落口魚肉味香。甜蝦size夠曬大隻味道鮮甜肉質爽口彈牙。熟食我哋就揀咗燒生蠔,羊架,雞翼,海蝦,小龍蝦好少地方有小龍蝦食又香又辣真係好香口惹味。燒羊架燒到啱啱好,邊位有少少焦香,羊肉非常嫩滑。生蠔雖然唔係大隻,加咗蒜蓉辣,鮮味好突出。壽司我就推介火焰燒左口魚邊,左口魚魚肉好嫩滑食到停唔到口。燒榴槤亦都係我嘅至愛,榴槤燒到微微焦香,氣撲鼻,口感幼滑香甜。熱清酒酒味香濃,入口香醇味道夠厚。最後一人食埋一個雪糕真係好滿足。