相撲手日式放題 (已結業)

今日去尖沙咀寶勒巷食放題，個friend 成日來呢間，佢生日請佢食番餐好。刺身如三文魚、鮑片、馬刀貝夠新鮮，推介福射相甜蝦，超鮮甜。炸物如芝士春卷，好正，外面脆極，咬開爆出芝士漿，另外蒜香雞翼，唔太乾，好Juicy，另外燒三文魚，好香好有魚味，加埋D沙律醬，超Match。壽司款式夠多，有創作壽司供應，芝士三文魚小卷好好味，士有點焦香，混埋三文魚一齊食，會令你越吃越滋味。帆立貝鵝肝壽司，帆立貝無腥味，與甘香鵝肝的味道好夾。鐵板炒牛柳，好惹味，夠晒香，牛肉不韌，有牛味。蠔限每人每次2隻，都好好，放題有蠔食，抵晒，味道OK，食得過的蠔。重點係蟹粥，好鮮甜，蟹大大隻，好鮮好綿的粥，一定要食咪走寶。最開心友人今天生日，送上壽司蛋糕，點埋煙花，食壽司蛋糕都係第一次，幾好味又特別。今晚吃了三杯雀巢雪糕終結，心滿意足。