Restoran SAYA

营业中

休息中

喺奧運站利奧坊附近有間好出名嘅泰國餐廳，好多朋友都介紹我去品嚐，趁住週末就同朋友一齊去食。餐廳裝修別具風情，既有泰式嘅田園風又有好多西式畫同相、風景照，感覺清新雅緻。我哋首先要咗個醃蟹仔青木瓜沙律， 作為開胃前菜，醃蟹仔鹹鹹地，係新鮮嘅蟹仔醃製而成嘅，配合切成細細條的青木瓜絲同花生碎， 又酸又辣 ，非常惹味。接住我哋要咗特色拼盤，佢包括虎蝦檳榔葉面康、肉末花生菠蘿、手打魚鬆西瓜 各兩件。 虎蝦檳榔葉面康， 我覺得最好食，可能係我從來未食過檳榔葉，檳榔葉包住虎蝦、椰絲、乾蔥等， 一口咬下，好多種味道充滿味蕾，感覺好特別。我哋仲要咗個小食拼盤，佢包括有泰式炸雞棗、泰式牛肉乾條、炭燒清邁香腸、冬陰香脆雞皮， 配埋竹籠東北糯米飯。 糯米飯幾軟糯，清邁香腸裡面除豬肉，仲有辣椒香蔥等嘅香料， 食落口感層次豐富，冬陰香脆雞皮，又脆又香口，幾好味。最後要咗個泰式焦糖奶茶奶凍，將泰式奶茶 整成奶凍， 茶味甘香濃郁， 口感厚滑。餐飲方面，我哋仲要咗薑汁菠蘿沙冰和椰汁咖啡沙冰， 作為我哋嘅消暑飲品。