成都老碼頭火鍋 (已結業)

自從上年去過四川食麻辣火鍋之後，一直都好想搵返果種感覺，但係香港又好少正宗嘅麻辣火鍋。聽朋友介紹，大角咀開咗間正宗嘅麻辣火鍋，而且裝修都好靚，咁一於去試吓啦。因為朋友唔係好食得辣，所以我哋叫一個in樣湯底鴛鴦湯底。一面係蕃茄味，另一面係成都麻辣味嘅中辣。一上枱已經聞到個湯底好香啦，令人好開胃。呢個麻辣牛肉睇個樣好似好辣咁，但係其實唔係好辣，但係好香，放落個麻辣湯底度就最夾啦。平時打邊爐食魚皮就食得多，呢度竟然有炸雞皮。食落仲好味過魚皮，而且炸過，食落口唔會覺得個雞皮好油，夠哂脆。呢個香辣魚皮都唔係平時嗰種炸魚皮，識落辣辣地涼涼地，非常開胃。呢間餐廳真係唔錯，而且環境夠晒大，啱晒一大班朋友gathering。