圓貝 (星光行) (已結業)

間中都行過見到好多人買， 見而家$50有一份tea set就試下。$50包一杯奶茶/純茶+珍珠，再配一塊曲奇。想試其他飲品就可以用$24加一塊曲奇。🍽️下午茶$50🍵祁門玫瑰純茶+抗氧抹茶珠🍪紅絲絨麻糬曲奇🍽️下午茶$50🍵沁香茉莉奶茶 + 抗氧抹茶珠🍪抹茶海鹽麻糬曲奇🍵仙芋抹茉 $40🍪英倫伯爵麻糬曲奇 $24（加配價）佢哋嘅花茶真係特別香，而且花香飲落係好天然，同埋茶底完全唔澀。👩🏻平時其他地方都飲無糖，今次唔記得嗌少甜/走糖，結果都接受到。三款嚟講最滋味係仙芋抹茉，有抹茶米蓋（純素所以唔用奶蓋）、茉莉花奶茶、紅豆、芋泥。幾乎集合晒台式飲品好味嘅元素，味道豐富而且唔會太甜。平時👩🏻麻麻地soft cookie，但係加埋麻糬就唔同晒。外面脆脆地，裏面煙煙韌韌。👩🏻最鐘意抹茶海鹽味，抹茶香好重，海鹽味平衡咗甜味。伯爵茶味有少少citrus fruit香味幾特別。紅絲絨就最甜🤭。