DAMA (已結業)

呢間bookmark咗好耐，終於有時間嚟試佢嘅甜品😍。佢位置唔多，多數見人都係拎住枝雪糕走。我哋叫咗個迷你雪糕set，包2杯飲品同4枝雪糕，一共120蚊。左手邊係牛油果香蕉沙冰，因為加咗牛油果，口感超滑，同埋飲完之後會慢慢感受到香蕉味，唔會搶咗牛油果味，甜度啱啱好，唔會好膩，好正。右手邊係火龍果奶蓋烏龍茶，因為佢呢間係純素，奶蓋用咗豆奶去打，比平時既稀，但冇咗好漏嘅感覺。另外，我叫咗走糖，感覺好清新，下次一定會再叫。呢日提供咗3款雪糕，我要推烈推薦榴槤味!，佢係我食過最好食既榴槤軟雪糕，好似食緊榴槤，但口感好滑，絕冇人工味，驚艷到我哋，有啲後悔只係叫咗迷你版，因為唔夠食🤪。呢個鹽烤百頁豆腐盛惠38蚊，滿滿一杯。佢外皮好似豆卜，但入面係彈牙既軟豆腐，好得意，我好中意食，第一次食咁嘅質地。呢杯係無蛋奶既朱古力味雞蛋仔，48蚊，佢比起一般雞蛋仔脆好多，內裏有啲似麻糬，食完一粒忍唔住再食第2粒，停唔到口。今次呢間真俾到我好大驚喜，為咗個榴槤雪糕，我一定會返嚟。