影片
更多
2007-04-02
10 浏览
17 March 2007 (Sat) - 晚飯上網睇到食評唔錯，一行三人特登走黎試下，只係需要排第二，見都夜夜地，應該唔會再有人等位，同埋啲人應該好快食完走，決定等佢一等，點知又真係好快就有位！入面其實真既好屈質下，舖子好細小，確實都有啲似日本似既地道拉麵店！我哋三人坐正喺個鐵板師傅前面，好開心，因為我只係著件背心加大褸，徐咗件衫會好凍，唔徐又熱死，喺咁既情況對住個熱烘烘既鐵板真係份外溫暖！坐低想話要杯茶，點知原來呢度唔包嘢飲，唔會有茶比，要自己叫嘢飲，我同好友叫咗一支烏龍茶Share，另一友人叫咗罐可樂，我哋再望下食乜，見到佢牆上有張好賣的食品List，我哋二話不說就叫咗幾樣上面所寫既嘢：一個大阪薄餅（厚既）加豬肉既，因為佢話我哋知大阪薄餅只係得生菜同麵粉；一個手造漢堡扒同一個芝士奄列！第一樣黎既係個手造漢堡扒($58)，睇住佢整時我啲口水已經流出黎咁滯，雖然個size 唔係好大（亦因為咁我哋決定會再叫第二啲嘢食），但係個扒真係好厚，而且好有肉汁味，令人食完後第一個反應係好似上天堂咁，我知自己好誇張，但係對於好食既嘢，我都唔介意再誇張啲！第二樣黎既係大阪薄餅(厚)($48+$10加
上網睇到食評唔錯，一行三人特登走黎試下，只係需要排第二，見都夜夜地，應該唔會再有人等位，同埋啲人應該好快食完走，決定等佢一等，點知又真係好快就有位！入面其實真既好屈質下，舖子好細小，確實都有啲似日本似既地道拉麵店！
我哋三人坐正喺個鐵板師傅前面，好開心，因為我只係著件背心加大褸，徐咗件衫會好凍，唔徐又熱死，喺咁既情況對住個熱烘烘既鐵板真係份外溫暖！
坐低想話要杯茶，點知原來呢度唔包嘢飲，唔會有茶比，要自己叫嘢飲，我同好友叫咗一支烏龍茶Share，另一友人叫咗罐可樂，我哋再望下食乜，見到佢牆上有張好賣的食品List，我哋二話不說就叫咗幾樣上面所寫既嘢：一個大阪薄餅（厚既）加豬肉既，因為佢話我哋知大阪薄餅只係得生菜同麵粉；一個手造漢堡扒同一個芝士奄列！
第一樣黎既係個手造漢堡扒($58)，睇住佢整時我啲口水已經流出黎咁滯，雖然個size 唔係好大（亦因為咁我哋決定會再叫第二啲嘢食），但係個扒真係好厚，而且好有肉汁味，令人食完後第一個反應係好似上天堂咁，我知自己好誇張，但係對於好食既嘢，我都唔介意再誇張啲！
第二樣黎既係大阪薄餅(厚)($48+$10加豬肉)，其實我相信就算唔加豬肉，個薄餅都會好好味，雖然只係得生菜同麵粉，但係我真係唔知佢用咩神奇方法令到食物變得咁可口！
第三樣黎既就係芝士奄列($48)，芝士味重而不漏，味道簡直令人想一吃再吃，出面層蛋係少少脆，一咬開就有芝士同雞蛋既混合，溶溶地咁好好味！老實說，三個人分真係唔係好夠食！
咁既情況，大家都食到津津有味，決定再叫個蛋包炒麵同埋餃子．．．
蛋包炒麵($68)，好友一直想叫，初初驚食唔晒，終於有得食，開心到飛起，酸酸的醬汁加上炒麵，仲有少少肉，配搭洽到好處，好味過city super's foodcourt既炒麵好多！
最後既餃子($28)就略為遜色，不過都唔錯，起碼唔係炸餃子，而係我最鍾意既煎餃子！只係個底煎燶咗少少，但係唔係太差！
嗰度既人好似唔太識講中文，同佢哋好難溝通，不過亦好搞笑！
我哋幾個食得好開心，我簡直係要宣揚比全世界聽佢既好味指數有五粒星！
张贴