大將 (已結業)

食肉獸嘅我，今日又捉埋個朋友陪我去將軍澳-大將-食和牛日式火鍋放題。餐廳面積好大，用上木色系嘅裝潢，感覺舒適。今次我地揀咗中間價錢$398嘅澳洲和牛牛小排套餐, 星期一至四嚟,仲可以任食150分鐘。套餐有牛、豬、雞、羊同埋海鮮，而出面嘅自助區，仲好多嘅蔬菜同丸， 飲品任飲，甜品雪糕任食，好豐富。一坐低，揀好湯底，有機械人送上和牛、雞肉、豚肉，好可愛呀。我哋主力攻牛肉類， 最鍾意澳洲和牛牛小排、和牛胸腹眼，入口即溶，牛肉味香濃。唔好以為呢度淨係得和牛好食，雞肉都令我好驚喜，肉質超嫩滑。 沙白都好肥美鮮甜。呢度仲有得自製窩夫，大人細路都玩得好開心。