醉胡爐 (已搬遷) 新店位置

尖沙咀好似好多野食, 但成日都唔知食咩好~朋友介紹今日就試下呢間打邊爐啦!見我地一行4人👭🏻👬🏻職員就即刻安排左間房仔俾我地, 有少少私隱仲坐得好舒服!泰式無骨鳳爪一開始就上左個開胃前菜, 一路食住職員就幫我地煮好兩個鍋, 好貼心!胡爐醉八鮮鍋 🦞🦑🐠呢個鍋真係不得了有龍蝦、鮑魚、大大塊花膠……D海鮮超正! 職員會先現場炒一炒海鮮, 再落酒點火, 哇~😍 場面壯觀無得輸! 湯底好鮮甜，一開始先飲哂個湯, 再打邊爐就最Perfect啦!青麻辣豬手鍋🥵加左指天椒、胡椒粒, 個湯底呢初初其實都唔係好辣, 食到中途放左D菜落去, 吸哂D辣味, 真係非常刺激! 建議肉類和丸類都用辣湯煮, 食得辣既朋友可以放埋菜落去挑戰下~胡爐十二道牛盛盒🐂打邊爐點可以唔食牛肉, 呢個十二道牛盛盒, 光係賣相已經非常吸引, 不同種類的牛肉放得好精緻, 包括腩肋條、池板、封門柳、牛頸脊、牛白肉、牛舌芯、安格斯、飛驒和牛、坑抓、紅酒浸牛、邊抓、牛展, 質素非常之高, 特別有幾種肉質更加係非常之鮮嫩滑溜軟腍!😋😋