漁家

营业中

休息中

今日帶朋友去間係筲箕灣隱世嘅日本餐廳，餐廳係唔起眼嘅巷仔入面，要小心睇地圖先搵到。⭐️刺身：赤蝦、油甘魚油甘魚好厚身，超肥美。而赤蝦好新鮮甜美，唔錯。⭐️串燒今餐最想食嘅係串燒，我地想樣樣都食少少，食多啲款式，所以都係叫1串，但每一串都有3-4塊肉，而且店員好貼心，見我地分肉有困難，主動比剪刀我地方便分肉。我地叫了鹽燒白鱔、明太子雞肉、牛舌芯、牛肋肉、牛肩胛小排、A4和牛肉眼蓋、雞軟骨、第一刀、豬頸肉、鹽燒海蝦。個人最鍾意鹽燒白鱔，燒到外焦內嫩，肉質彈牙。明太子雞肉串都鍾意，明太子同雞肉好夾。⭐️炸日本蟹仔超正下酒菜，炸得超脆，有少少想飲一杯，但第二日要返工就算了。