夜燒站

营业中

休息中

今日放工過左黎荃灣食飯 ，試左呢間隱世居酒屋，大家行遠少少都要過嚟試！食物質素非常好，價錢合理，性價比高高高！首先，燒物火喉燒得恰到好處！燒鱔鱔皮脆卜卜，魚肉鮮甜！燒魷魚板十分爽口彈牙，完全唔韌口！燒醬油雞全翼皮脆而肉質鮮嫩多汁，雞翼醃得非常入味。最後黎個燒焦糖菠蘿，菠蘿外層被脆卜卜嘅焦糖包住，咬開啲菠蘿汁爆哂出嚟，食完燒肉食番個燒菠蘿十分消滯解膩！芝士年糕芝士味十分香濃，年糕質地軟糯Q彈，芝士迷必點！除咗燒物，我哋仲試左清酒煮蜆！首先，大大碗蜆而每隻蜆都非常大粒肥厚！個清酒湯鮮甜至極，必點！總抬來講，呢間居酒屋位置不在鬧市，但絕對值得大家黎一試，一定唔會失望！