平昌 Premium (已結業)

平昌入座價錢都唔洗200每位，但係就已經有無限既蠔同帆立貝可以燒啦。尖沙咀難得一見的「平燒」另外唔鍾意食肥豬肉既我，居然都對佢既薄切五花腩讚不絕手！！佢地既五花腩係燒完後，所有位置都好薄脆，完全唔會有肥膩既感覺。另外加錢叫大蝦同埋鮑魚，大蝦入面夾住牛油，一邊煮牛油一邊流出同溶化、蝦肉完全吸收牛油味，一流享受。仲有鮑魚，由於完全唔知點為之燒熟，所以問左職員，職員除左用心講點為之熟外，仲幫我地加埋芝士，服務態度真係好好啊！！另外唔少得當然係雞肉串，本身已經烤熟，所以落版加加熱就足夠啦。雞肉好嫩口多汁，好回味。熟食仲叫左海帶湯、豆腐辣湯、韓式年糕，作為開胃菜係唔錯既選擇。整體黎講，海鮮係最好食，但海鮮要等好耐先食得，所以雞串、鴨胸、豬肉就係填肚既首選啦。