影片
更多
2024-10-09
288 浏览
香港飲食業依家一般都係好早關門，最近比我搵到一間開到凌晨2am嘅餐廳，於是就約埋好友一齊來食。呢到嘅裝修好有feel，同日本酒場嘅vibe好似，更加有好多卡位，店員都好friendly-呢到店員都好有禮貌，更加講解咗好多餐廳優惠，話全日支裝清酒半價，另外晚上7:00PM前埋單離座或者10:00PM後入座都會有正價食品8折或者生啤買一送一或者每日三款指定火鍋半價嘅呢d優惠。我地考慮左一陣就決定叫野食，睇完Menu之後有一樣嘢係大家都話一定要叫嘅，就係佢個堂煮壽喜燒！佢用咗日本A4黑毛和牛配埋野菜豆腐盤，而且店員會幫你燒，唔使自己郁手真係好正！呢到係我勁鍾意嘅關西風格壽喜燒，真係一聞到個味道已經開始流口水，牛肉亦都好嫩滑，入口即溶，野菜吸入晒壽喜燒醬，好甜好好食，當然加埋生蛋更加正。之後當然就係叫啲配酒一齊食嘅嘢食啦，首先就係串燒，包括鹽焗牛舌、鹽燒牛舌、汁燒秋葵。全部都燒得剛剛好，加埋佢俾咗芥末醬我哋，真係燒得好惹味。更加話呢度嘅秋葵係佢食過燒得最好食嘅。清酒煮蜆真心清甜又大隻，飲下酒再飲吓湯，個胃都真係幾舒服。西京銀鱈魚魚肉好滑好嫩，呢個都係必點item！鮟鱇魚肝都係一款少見嘅item
我地考慮左一陣就決定叫野食，睇完Menu之後有一樣嘢係大家都話一定要叫嘅，就係佢個堂煮壽喜燒！佢用咗日本A4黑毛和牛配埋野菜豆腐盤，而且店員會幫你燒，唔使自己郁手真係好正！呢到係我勁鍾意嘅關西風格壽喜燒，真係一聞到個味道已經開始流口水，牛肉亦都好嫩滑，入口即溶，野菜吸入晒壽喜燒醬，好甜好好食，當然加埋生蛋更加正。
之後當然就係叫啲配酒一齊食嘅嘢食啦，首先就係串燒，包括鹽焗牛舌、鹽燒牛舌、汁燒秋葵。全部都燒得剛剛好，加埋佢俾咗芥末醬我哋，真係燒得好惹味。更加話呢度嘅秋葵係佢食過燒得最好食嘅。
清酒煮蜆真心清甜又大隻，飲下酒再飲吓湯，個胃都真係幾舒服。西京銀鱈魚魚肉好滑好嫩，呢個都係必點item！鮟鱇魚肝都係一款少見嘅item，但呢到嘅都幾好食。
另外一樣令我好震撼嘅就係日本鬼魚川白布烏冬，基本上係一塊塊又薄又滑又煙靭嘅烏冬片，可以點三種唔同嘅醬汁，我個人就最鍾意麻醬。呢樣嘢用嚟打卡都一流。
张贴
