巧得鍋 (已結業)

雖然回暖，但邊爐都係要食既所以求其揀左間近公司既可以收工就食既邊爐一入去，空間感好夠，無愈打愈熱既問題，叫左個花膠雞湯底，個湯底好甜好足料，有成隻烏雞同兩舊花膠，啲食材跟過花膠湯煮完全部都好鮮味食材全部都好新鮮好食！我覺得除左刺身之外，全部都可以試下叫，應該無伏既，最印象深刻既係響拎，粟米，流心粟米丸，而刺身我就覺得麻麻地，所以都係專心食邊爐啦埋單每人三百蚊都唔洗，但我地已經咩都叫，無就住就住叫！抵食！