金記冰室 (新都城中心二期) (已結業)

星期日放假去食個下午茶，係商場見到呢間冰室比佢個西多士吸引住，於是立刻拎位試一試佢先！店舖座位幾闊落，員工好有禮貌甘帶我地去座位，感覺好舒服！鐵板西冷牛扒牛扒叫左7成熟，熟度超岩岩好，肉質好鮮嫩，可以講話係有入口即溶既感覺，完全超出對茶餐廳既水準，絕對可以encore再encore！薯條係我最鍾意既大size薯條，咬落去啖啖肉，滿足哂最鐘意食薯條既我！呢個餐仲有跟個羅宋湯，辣辣地不過不失！炸雞翼配沙律雞翼好出色，完全唔油膩，因為佢的炸粉好薄，完全冇油炸的感覺，亦都好入味！Salad好清爽，蜜桃同菠蘿令到成個沙律好開胃爽甜！雪山西多士見個餐牌已經比佢吸引住，賣相同餐牌一樣，見到已好想食！細細塊西多士可以一啖放入口，唔使自己切超方便，配埋雪糕一冷一熱，感覺好過引！西多士亦香脆而不油膩，搭配朱古力醬同蜜糖又有另一番風味！絕對會再黎食多次！飲品方面叫左雪山菠蘿冰同雪山紅豆冰。紅豆冰唔太甜，紅豆煮得好冧，我好怕飲到紅豆冰好奶，但呢個唔會岩岩好，搭配埋vanilla雪糕一流！雪山菠蘿冰一般般，普通既雪碧汽水配菠蘿，推介大家飲紅豆冰，下次黎會試吓佢另外一款雪山什果冰！