Milu Thai มิลู่ไทย (百樂中心)

营业中

休息中

最近網上有一間超出名嘅泰國餐廳，位於銅鑼灣，而今日我同同事因為要開會，所以成8點先有得食晚餐，我地一致都話要對自己好d，所以今晚一於來呢間餐廳大食一餐！餐牌有好多選擇，睇完一轉之後第一樣嘢話一定要叫嘅就係個黃咖喱炒大頭蝦，呢個真係超級抵食，每隻大頭蝦都炸過先至再用咖喱茶每一隻大頭蝦都好多個，而且隻隻都超大隻，啲咖喱用嚟撈飯就一流，所以我哋都叫埋飯撈埋嚟食，真係食幾碗飯都得！朋友每次食泰國餐都要叫冬陰功湯，見到呢度有大頭蝦冬陰功湯就決定要個細嘅，佢嘅辣度剛剛好，而且大頭蝦真係好新鮮，肉質爽脆，加埋超多膏，真係好少食到冬陰功嘅蝦係咁新鮮！另外都叫咗兩個喺泰國餐廳必點嘅item，就係馬拉盞通菜同炸蝦餅，兩個份量都唔少，質素都比一般泰國菜餐廳更加好食。就連個椰青都好清甜，椰子肉一scoop就可以食！講真冇諗過星期四夜晚咁夜食飯都有餐廳可以咁好氣氛，而家喺香港真係好少見，更加難得就係所有店員嘅態度都好好！