隱居 (已結業)

平時好少會過嚟將軍澳，原來有個地方叫做坑口村，朋友介紹入邊有好多餐廳可以食，雖然距離地鐵站有少少遠，不過最正嘅係居然可以拍車方便好多。打去比餐廳佢就會留咗個村民嘅車位比我拍喺嗰度一陣。我係好鍾意食比目魚嘅，鍾意佢哋油脂分布得好，食落去好juicy又滑咁樣。呢間即叫即燒，佢哋嘅魚都燒得相當之唔錯。另外朋友鍾意食羊架所以都叫咗兩隻羊架俾佢。你睇吓個羊架超級粉紅色就知佢正呀，羊架燒到啱啱好唔會過硬亦都唔會太生。另一個要推薦就係佢哋嘅星鰻丼飯，呢個食完一個都唔夠喉我仲叫咗第二碗添。另外仲叫咗其他嘢食好似聖子同埋豬軟骨拉麵咁樣都唔錯不過上面嗰三樣我就最推介啦