蟹仙海鮮蒸氣鍋 (仁愛街) (已結業)

屋企人生日飯，父母未試過，決定近近地去新蒲崗食蒸海鮮。有幾款套餐可以選擇，第一次食就是佢最抵食$368餐，都有成九款海鮮，最後係海鮮粥同甜品。頭幾款海鮮都係由waiter姨姨serve，但有時佢會太忙，唔得閒幫我地拎出黎，搞到啲帶子同原條無骨東星斑就蒸過熟。而呢間餐廳同其他嘅蒸海鮮專門店唔同，主要係食鮮味，唔會外加調味料等等。最好味就係星斑片同超大隻嘅瀨尿蝦。主要食蟹嘅時候，老闆會好細心講解，又會問大家鍾意食公定乸，硬身嘅蟹膏定係軟身等。仲會介紹佢哋喺邊度入貨，點樣洗同埋點樣準備啲食材，睇得出真係好有心去經營。最後已經勁飽，連最重要吸晒精華嘅海鮮粥都食唔落。已蒸海鮮黎講，性價比真係算幾高，值得一試。