喺希慎遇到呢間蛋糕店，除咗可以網上訂購，門店自取，好彩佢哋店面都有現貨選擇，口味都好多，有啲好創新，非常吸引☺️☺️
1
心大心細，好想試吓佢哋嘅焙茶栗子麻糬蛋糕，但我自己好鍾意食黑芝麻，咁啱又有現貨，就揀咗黑芝麻味嘅蛋糕🥰🥰🥰希望唔會太甜，估唔到充滿驚喜！
四吋嘅蛋糕，但份量其實好強勁，因為蛋糕比較高身，切開就會見到，好多層次，而且層層都唔同！我自己就最鍾意外面薄薄一層嘅芝麻味cream，芝麻味道非常香濃，非常突出！另外，就係入面夾住嘅麻糬，麻糬上面都鋪咗一層芝麻醬！呢個蛋糕，無論係口感定係味道，都真係非常有趣，除咗芝麻味，係仲有咖啡味㗎 ！
真係非常適合鍾意食蛋糕，但又唔鍾意太甜嘅成年人😉😉
