彩福欣宴 (已結業)

今晚呀媽話唔想煮飯，落咗order 話想食中菜，睇睇下見到啲婚宴酒樓環境幾好就求其入去試吓啦，竟然有驚喜！首先，前菜嗌咗燒腩仔，皮脆肉嫩，肥瘦融為一體，雖然好大罪惡咁但不得不讚。另外小炒王都好出色好足料，有帶子，有蝦，菜脯，拼埋綠色嗰啲好配合同腰果，層次好有口感。另外帶咗半隻例牌燒雞，不過不失，亦都好滑，啲皮燒到好脆。另外嗌咗個西蘭花炒帶子，碟送入面起碼有超過10粒厚切帶子，不過覺得舊西蘭花太大舊，可以切細啲就好啦。最後甜品我哋嗌咗椰皇燉燕窩蛋白，姐姐話椰皇當做，椰皇超大個，燕窩亦好多，香滑細嫩，食完甜品係一個好好嘅作結。