活一鮮 (已結業)

今日和同事兩個去北角上Training Course, Lunch帶左佢去之前同老婆食過嘅活一鮮, 之前試過晚市性價比都唔錯, 今次可以試埋午市定食, 睇下係咪都咁抵食。😙由於知道活一鮮每日晏晝都好爆滿, 我地早幾日已經訂定枱所以一去到就有位坐, 見到其他walkin客人都要係門口排隊。🙈活一鮮店唔大, 枱唔多, 如果冇訂位都要等好耐先有位。裝修簡單日式風格。午市刺身定食, 壽司定食同魚生飯選擇都幾多。熟食類定食價錢比較平, 亦都多選擇。我地點左一份刺身定食同上壽司定食, 午市定食附有沙律, 小食同麵豉湯。沙律個汁比較酸, 唔太啱我。小食係三文魚貼蘿蔔漬物, 都幾入味。麵豉湯味道正常。我地加左$15配日本淮生定食, 幾清新爽脆。刺身定食$84, 份量都多, 刺身幾新鮮而且厚身, 三文魚係選用挪威的, 幾鮮甜。😋刺身定食配一大碗熱白飯, 好夠食。上壽司定食$108, 有10件壽司, 份量唔多, 不過刺身都好厚身, 大部份都新鮮, 只係今日的海膽麻麻地。海膽份量都多。三文魚腩好肥美。白玉豚好厚身, 好鮮甜。👍呢個午餐每人$100左右價錢合理。