尚盛潮州海鮮飯店

最近去咗尚盛潮州海鮮飯店食飯，呢間老字號搬咗去新鋪頭，個格局大咗好多，裝修企理，地方闊落咗好多坐都舒服咗叫咗個鹵水併盤做頭盤，個鵝片入味，浸透晒鹵水香，肉質爽滑又唔乾柴。大墨就白烚過，肉質充滿彈性，蘸埋食滷水專點嘅酸醋海蜇手撕雞肉嫩滑多汁，啲海蜇夠爽有嚼勁，混埋芝麻油香，簡單卻又惹味。主食叫咗碗蠔仔粥，粥身滑溜溜嘅，啲蠔新鮮肥美，食落有淡淡嘅海水鮮味，配埋肉碎飯粒粒粒分明又夠軟綿。出得嚟食飯多數都會揀食生炒排骨，因為煮嘅工序實在太多。排骨炸得啱啱好，外皮香脆又唔會太硬，肉質鮮嫩惹味，帶微微甜味，香口開胃。配料亦都非常之有誠意，菠蘿係用新鮮菠蘿，蕃茄同青椒，亦都係煮得啱啱好最後嗰個清心丸豆爽真係出乎意料嘅好食！清心丸非常之彈牙！豆爽爽口清甜，整體清新得嚟又唔會過甜，簡直係完美嘅甜品。以一間價錢合理，食物質素又好嘅老字號真心推介比一大班朋友或者屋企人聚會嘅時候食