阿爺八鮮鍋 (已結業)

呢日黎到旺角呢間阿爺八鮮鍋！一入到去已經座無虛席咁滯，好彩我地有訂位，食完之後覺得真係好高質，佢係每樣野都好新鮮，上至海鮮，下至蔬菜都係好新鮮，試過就知真係完全冇誇張！店員一黎會上左個湯先，個湯係任飲野，like佢地社交平台 仲有野食送！之後就係雞煲，店員問左我地要咩辣先上！仲有送既燒賣！另外仲有刺身，刺身真係夠哂份量！成條船咁，有成6款刺身.....見到咁多野食都真係已經夠哂開心，每樣野都好好食！其實食完以上既野都飽左一半，但仲未開始打邊爐，去到呢一刻已經好滿意！到左打邊爐既時間，我地就揀左要鴛鴦鍋～先落左龍蝦同埋帶子，全部海鮮都勁鮮味！連任食既所有魚都超鮮，蟶子超大隻...平時呢D size去街市買都要十蚊隻....淨係蟶子我都食左十隻.....同埋你寫左要咩款式佢就真係黎足，絕對大方！好怕食到一D放題會黎唔足，又要催，但呢度落完單基本上好快就到～海蝦同埋魚又係一絕～仲有牛肉，超有牛味，佢既飲品有無糖茶唔駛飲氣水谷飽哂，真係必定會番轉頭再黎食！