岩鹽日本料理 (利舞臺廣場) (已結業)

🤍岩鹽日本料理🖤銅鑼灣波斯富街99號利舞臺廣場16樓A舖📍貪方便同朋友去咗利舞臺呢邊食飯，一直都想試吓呢間日本餐廳，一入到去就見到門口有即刻整釜飯既 open kitchen，又幾特別🤓🦪海膽生蠔 $98全晚必點！$100都唔使就有半打海膽生蠔，生蠔仲要非常之新鮮同埋有海水味，再加埋海膽食極之creamy！基本上唔使落醬都已經夠晒鮮味。🍳原味玉子燒 $58無加到餡料嘅玉子燒更加可以食出蛋香味，煎得啱啱好，非常嫩滑。🍣鮪魚雙色卷 $108厚切嘅鮪魚入邊再加埋魚蓉，食落去入口即溶，無筋又新鮮！🦀北海道海鮮釜飯 $168呢個係餐廳嘅王牌釜飯，配料非常豐富，入邊有海膽、三文魚、帶子、蟹鉗、鰻魚等等，再加埋魚湯完全帶出到嗰種海鮮鮮味！🍤雜錦天婦羅$98非常抵食，入邊竟然有三隻天婦羅蝦！仲有茄子、南瓜、香菇、紫蘇葉、同埋少見嘅麵條。🍢汁燒墨魚串 $20🍡燒牛舌串$30🍢燒西京豬頸肉串$20🍡香辣醬燒翠玉瓜$15🍢燒甘薯串 $10🥢叫咗幾款串燒都非常抵食，差啲以為自己睇錯價錢🤣最推介牛舌串，好爽口！