新潮發海鮮菜館

营业中

休息中

好耐冇嚟過長洲，一路都知道長洲有一條街都係食海鮮，不過一直印象中就淨係平，質素唔係好高，但係見到呢間好多好評，咁就嚟試吓啦。呢間真係比其他餐廳多客人，而且服務態度都好好，同埋佢仲可以坐出面睇住過海，又可以一路食煙飲酒。而且呢度嘅價格好平，而百幾蚊就可以食到三個餸，而且一坐低，已經有職員拎咗粟米湯俾我哋飲。呢個粟米湯好足料，飲落好多粟米同埋蛋花，好適合冬天飲，而且飲落好開胃。我哋叫咗椒鹽瀨尿蝦，估唔到份量咁多，而且每隻瀨尿蝦都好大隻。一食落口，已經食到瀨尿蝦比較新鮮，而且佢嘅椒鹽味唔會太濃，完全食到瀨尿蝦嘅蝦肉好彈牙同埋新鮮，有少少椒鹽調味，真係好送飯。好耐仲叫咗個辣酒煮花螺，食落唔會太辣，但係佢嘅辣汁好適合撈飯。而且佢嘅花螺都好大隻，好容易就撩到出嚟性落好彈牙新鮮，估唔到佢一碗都起碼有三十幾40隻，真係好抵食。呢間餐廳價錢非常平，而且海鮮食落都好新鮮，唔怪得佢係呢條街之中最多好評㗎啦。