影片
更多
2022-08-12
437 浏览
雖然元朗好多嘢食，但要搵到又抵食又好食嘅其實唔容易。朋友介紹咗呢間新開嘅燒肉店，話又抵食又新鮮，咁就一於去試吓啦。一嚟到門口，就見到呢度嘅環境裝修好靚，門口有好多燈籠，好有日本風，非常適合黎影相打卡。呢度嘅服務態度超級好，有一位着住西裝嘅男職員好有禮貌。佢介紹咗好多唔同嘅菜式俾我哋，咁我哋就聽佢話叫咗和牛同埋海鮮啦。不過呢度嘅價錢真係好平，估唔到份量竟然咁大。呢個和牛真係最值得一讚，食落好有牛味，有啲入口即溶嘅感覺。但係又唔會好肥膩，食落好香，有油脂嘅香味，仲好食過喺日本食到嘅和牛。呢個雞腿肉都好值得試，價錢好平，但係有好多舊。我哋揀咗鹽燒，原來好食嘅肉唔使濃味嘅調味料，已經好好食啦。佢食落雞肉好嫩滑，燒到外脆內嫩，其實好啱送飯。海鮮方面，我哋叫咗蝦，帶子同埋生蠔。三樣都好新鮮，不過最值得推薦嘅就係呢個生蠔，估唔到咁大隻，而且非常新鮮，我諗其實唔使燒就咁生食都OK啦。 而呢個蝦嘅蝦頭都好多膏，我諗佢來貨嘅成本都唔平。呢度嘅飲品都好特別好值得介紹，我朋友叫咗呢杯奶蓋綠茶，佢話飲落好香，雖然係奶蓋但唔會好滯，我試咗一啖都真係唔錯，好推薦大家試吓。最值得一讚嘅係，呢度嘅職員非常勤力。每一次我
一嚟到門口，就見到呢度嘅環境裝修好靚，門口有好多燈籠，好有日本風，非常適合黎影相打卡。
呢度嘅服務態度超級好，有一位着住西裝嘅男職員好有禮貌。佢介紹咗好多唔同嘅菜式俾我哋，咁我哋就聽佢話叫咗和牛同埋海鮮啦。不過呢度嘅價錢真係好平，估唔到份量竟然咁大。
呢個和牛真係最值得一讚，食落好有牛味，有啲入口即溶嘅感覺。但係又唔會好肥膩，食落好香，有油脂嘅香味，仲好食過喺日本食到嘅和牛。
呢個雞腿肉都好值得試，價錢好平，但係有好多舊。我哋揀咗鹽燒，原來好食嘅肉唔使濃味嘅調味料，已經好好食啦。佢食落雞肉好嫩滑，燒到外脆內嫩，其實好啱送飯。
海鮮方面，我哋叫咗蝦，帶子同埋生蠔。三樣都好新鮮，不過最值得推薦嘅就係呢個生蠔，估唔到咁大隻，而且非常新鮮，我諗其實唔使燒就咁生食都OK啦。 而呢個蝦嘅蝦頭都好多膏，我諗佢來貨嘅成本都唔平。
呢度嘅飲品都好特別好值得介紹，我朋友叫咗呢杯奶蓋綠茶，佢話飲落好香，雖然係奶蓋但唔會好滯，我試咗一啖都真係唔錯，好推薦大家試吓。
最值得一讚嘅係，呢度嘅職員非常勤力。每一次我哋燒燶咗個版，佢哋好快就會過嚟換。而且當我哋隻碟有殼嘅時候，佢哋就會好快過嚟換碟。食餐飯幾個鐘嘅時間，佢哋已經換咗四五次。而且佢哋非常有禮貌，值得一讚嘅係有一個着西裝嘅男職員，同埋有位比較後生嘅女職員都好好，有禮貌又勤力。
呢間餐廳又抵食，而且食材又新鮮，職員嘅服務態度仲超級好，就算唔係住元朗都好值得入嚟試吓呀。
张贴
