海饌 - 海鮮牛扒餐廳 (Fashion Walk) (已結業)

今日放假過左黎銅鑼灣食飯。fashion walk 好多靚靚餐廳，揀左間西餐廳食，大滿足！食物款式比較特別而且好有質素。餐廳服務非常好，有換碟服務😂烤雞肉牛油果藜麥沙律每樣材料非常新鮮，沙律汁個味道好清好開胃。香蒜橄欖油浸墨魚片第一次食呢個菜式，西式烹調方法煮墨魚。墨魚片爽滑又鮮甜，橄欖油融合咗炸蒜的香味，一試就愛上左！好味到連橄欖油都飲埋！西班牙香辣鮮蝦風腸餡角黎到必試嘅菜式，餡角皮薄，餡料有花椒油嘅香味，粒粒鮮蝦帶有濃烈嘅風腸香味，微微辣香,仲非常juicy !西班牙烤乳豬配焦糖菠蘿乳豬燒得恰到好處！個皮好脆！肉質軟唸！配上特製西班牙蛋黄醬實在太夾！檸檬百爵茶拿破倫旦糕估唔到甜品都做得咁出色！拿破崙皮超香脆配上超滑嘅餡，層次感滿分💯帶上檸檬嘅清香，不會太甜，一點也不覺膩！想享受優質食物、服務丶環境，呢間餐廳係一個好選擇！