M馬(容) (已結業)

冇得食晚市，咁唯有午市食豪啲！最近我就去咗銅鑼灣嘆高級中菜，樣樣食物都好高質，已經成為我近期最滿意嘅餐廳之一😚如果有一個悠閑嘅中午，都真係好值得嚟依到試嚇😳• 商務午市套餐 $528@位- 金箔筍尖鮮蝦餃- 麻婆豆腐肉碎餃- 黑魚籽醬香煎粢飯 三款點心都有驚喜bor！蝦餃上放咗金箔裝飾顯得更矜貴，餡料中嘅蝦肉大大隻又爽彈，用料新鮮，堅係皮薄餡靚！麻婆豆腐肉碎餃嘅味道就比較特別，融合咗麻辣風味，外皮偏向似粉果皮咁煙韌，估唔到食點心都可以食出惹味嘅感覺！粢飯煎至外脆內軟，絕不痴牙，配上黑魚籽醬，香口中帶鹹鮮味👏🏻🤤- 淮山杞子燉響螺非常足料嘅靚湯，裡面有響螺片、瘦肉、淮山同杞子，本身個人drydry哋飲完即時滋潤返🥰- 黑毛豬叉燒拼意大利黑醋豬手之前都講過自己麻麻哋叉燒，因為唔鍾意死甜同叉燒醬嘅味道，亦都好怕乾柴嘅口感，依度嘅叉燒我就勁鍾意喇！叉燒都比較厚身需要切開嚟食，切落去嗰下已經感受到肉質嘅鬆軟，而且仲保留住肉汁，豬肉味道好香，再加上外層燒到微焦就香上加香，係一舊會令我回味嘅叉燒！豬手用上意大利黑醋去煮，酸酸甜甜比中式黑醋更有層次😌- 蠔皇扣南非鮑魚伴鵝掌相比其他菜式我覺得依道菜嘅表