My Ahjussi (已結業)

早前去咗呢間大角咀嘅韓風小店令我幾驚喜，由食物質素到服務都好滿意。其中佢地更係社企餐廳，有聘用聽障人士，真係良心企業。今次去到發現環境都幾唔錯，座位闊落又有打卡位。真係沒有不去的理由！坐下就送上韓式前菜，泡菜、醃蘿蔔等。韓式烤牛肉堡今次奔住黃金炸雞而嚟，但卻被烤牛肉堡所震懾到。烤牛肉份量幾多，一路咬就一路跌。加上烤牛肉嘅調味剛剛好，醬掛到係牛肉上咸中帶點甜，幾惹味！包身幾柔軟，所以即使係咁大個漢堡都唔會好難掌握，一路食會不知不覺清咗碟。黃金鹹蛋炸雞平時韓式炸雞多數係甜辣味、醬油味等，但黃金鹹蛋就有點同港式fusion咁，好特別！鹹蛋醬除咗係每件雞沾上之外，碟上都有好多醬汁可以邪惡地蘸嚟食。炸雞炸粉唔會厚，薄脆外皮一咬下便見到嫩滑多汁嘅雞肉，啲油份也太誘人了！我地點咗6件但其實每件都好大塊，食到我地好滿足！泡沫抹茶牛奶之前係社交平台見到呢杯飲品但係menu上搵唔到，就問一問店員，佢就話可以幫我點。泡沫層好夢幻，整體抹茶味都足。