樂天皇朝 (利舞臺廣場) (已搬遷) 新店位置

有一間中菜店真係勁吸引，好想推薦比大家！$15小食$7@人頭茶位. 好靚特色王朝小籠包八色＄98@8粒八款顏色嘅小籠包代表着八款味道，味道真心不錯，皮薄餡靚。每一款味道都有自己嘅特色，每一件都超級好味，唔會話有一件奇怪，如果一個人食晒八隻就更加清楚。四川酸辣湯＄48＄48嘅酸辣湯唔算太大份，但係香味十足，落足料，有木耳同埋豆腐等等嘅材料，香辣味滿分，而且帶點酸味，更加開胃。李白醉雞＄78食雞是常識吧，用咗花雕酒整嘅醉雞，除咗肉質香滑之餘，酒味已入每一件雞肉裏面，香味怡人。上海炒飯＄78上海炒飯比較特別，整體已經沾滿了豉油顏色，不過不會太鹹，用的米粒有點像珍珠米，比較細粒，鑊氣還是有的。酸菜黃魚豆腐湯＄168最近主打的是黃花魚，有好多味餸菜都係用黃花魚做成，我哋就選擇咗飲湯，酸菜魚湯個魚都食得架，因為外皮之前已經炸過，食落都幾香口。感覺上個湯冇咩味精，味道主要係豆腐同埋魚嘅香味。以呢個價錢來講，裝修又好靚，嘢食嘅不錯，難怪個個都一早訂枱，費事無位。