鐵堂 (已結業)

今日同朋友經過佐敦，發現呢間新開冇耐嘅日式餐廳，lunch set 超抵，有4個套餐可以選擇，金、銀、銅、鐵，全部都係$88 ，仲要第二個套餐半價，又唔洗加一服務費，每人$70都唔洗！我同朋友都揀左'銀'嘅午市定食，有紫菜飯、牛肉燾喜燒、蟹肉可樂餅、唐揚炸雞、枝豆，午市仲附送麵豉湯，非常豐富。壽喜燒嘅牛肉都唔少，有四五片，肉質嫩滑，味道香甜，仲有唔同嘅蔬菜同菇配搭。蟹肉可樂餅香脆可口，內面非常creamy，炸雞亦非常香嫩。餐廳整個餐廳氛圍非常舒適，唔係好大，但啱同朋友慢慢食飯慢慢傾下計。