2+2 Café (已結業)

今日放假行沙田,行到腳軟,快ｄ去食飯鬼咁肚餓提意老公不如食buffet滿足一吓自已,諗住平日唔駛訂枱點知座到門口,估唔到平日到咁旺,門口放甜品好吸引,有haagan dazs,papagallo雪糕都幾落本,重有buffet 好少有棉花冰,macaroon,超人氣竹炭蛋糕,北海道牛奶布甸,心諗一定要留肚,今期龍蝦做主題每人有半邊送,自助餐都有炒龍蝦,蟹任食,冷盤最吸引,淨食生蠔,長腳蟹,翡翠螺己回本,食到好滿足,俾起以前差咗好遠,明顯出咗好多高價嘢,同尖沙咀區酒店可比,最後重有一杯自制cappuccino結束今晚完美又滿足一餐.埋單好有禮貌嘅服務員重提我,原來citi bank 有七五折,超抵二百幾蚊,優惠至月尾,睇嚟月尾訂枱再嚟多次,訂番嗰好位,重有一提服務員人手唔多,但好有禮貌,有笑容,我坐得好遠見我雞手鴨腳重幫我攞嗰湯去座位,自助餐廳實在少見那麽好招呼,今人感覺好有舒服及誠意.下次一定推介俾老友