龍門小棧 (已結業)

今日夜晚同幾個朋友嚟灣仔食晚飯，見到呢一間餐廳裝修明亮，價錢又唔貴，一於入去試吓望一望餐牌，依家上海小館都有幾多唔同款式，包括前菜 、粉面 、米飯等等 🥰最優惠嘅係$98套餐 已經有點心或涼菜 主菜一款 跟米飯或陽春面 同埋飲品！我哋叫咗兩個套餐再加啲點心 涼菜share首先送上散叫雞絲粉皮，雞肉都幾滑配上麻醬同埋粉皮，炎炎夏日好清涼🤪跟住送上套餐點心🥧胡椒生煎包 我就稍嫌覺得胡椒味道有點重，不過朋友十分喜歡💕主菜送上 重慶酸菜魚 🍽我哋叫咗小辣估唔到份量亦都唔細，味道唔算太辣 貼近香港人口味 魚件新鮮好吃 配上芽菜酸菜等等 麻麻辣辣～味道好過癮！跟餐要咗個陽春面🍜，估唔到份量好大！ 我估兩個人細食都冇問題😜配上酸菜魚醬汁 正😛另外一個套餐主菜要咗肚皮三鮮 係用咗豬皮、魚肚配上蔬菜丸 🌱菌類、竹筍 要咗個上海菜飯 米飯粒粒飽和好吃 另外散叫嘅上海小籠包🫓，一客四件，皮薄多汁 ，肉質相當不錯跟餐兩杯豆漿🥛，冰涼又好飲！呢間餐廳性價比十足，仲要唔收加一，大力推薦套餐，又抵又好食！