人生有限杯.串燒店

营业中

休息中

尖沙咀都有人生有限杯了，呢到價錢經濟實惠🤩星期五晚個場都幾full，好彩預早訂左位。呢度除咗串燒，仲有台式特飲和啤酒，串燒$10起有，好抵食!!!芝士菠菜卷真係超好食，外層係五花腩，包住菠菜同芝士。五花腩燒至微脆，然後啲芝士已經溶化滲晒喺菠菜入邊😍yumm焦糖菠蘿鵝肝醬多士鵝肝醬幼滑而且香口🤤上面有香甜嘅焦糖菠蘿，同香脆嘅多士味道勁夾。山椒鰻魚汁燒白鱔佢哋燒白鱔非常厚肉，山椒鰻魚汁小小甜少少辣，香口惹味。免治雞肉棒精粹在於入邊嘅免治雞肉鬆軟同埋一定要係日本靚蛋，月見汁甜甜地開胃。豚肉荔枝卷一直都鍾意食荔枝嘅串燒，豚肉外層燒得乾身，入邊就有香甜多汁嘅荔枝。墨魚滑紫菜大蝦整得好靚呀，效果一流😀紫菜卷上墨魚滑，再蘸上芝士去炸，拼湊為一隻蝦，配上佢哋特色醬汁超香口，紫菜同芝麻嘅香氣同墨魚滑混合。牛小排經典之選，每一口都是鮮嫩多汁，外層蘸上了吃起來讓人回味無窮。蒜蓉蟶子蟶子燒完完仲係好大隻👍🏻咬落去爽口鮮甜，加咗蒜蓉令佢更香口。焦糖雪糕三文治一定要食佢哋嘅招牌甜品🤩見到每一台都食，外層嘅多士暖而香脆，滿滿焦糖香，中間嘅雪糕凍冰冰香濃雲呢拿味道，冷熱拼湊，正。