蚊蚊豬老火鍋

营业中

休息中

今日同同事係太子放工，講起想打邊爐，就即興係附近搵到呢間鋪，價格又唔算貴，有雞煲有烤魚，仲有得打邊爐任食，真係超抵！我哋就點左烤魚，開始心諗都係打邊爐主打，無諗住條魚比到咁大驚喜我哋，條魚份量都好大條，辣度適中，一上枱已經聞到好香，食落真係越食越開胃，辣得都好過癮！食完魚之後我哋揀左呢間安格斯牛肉放題啦！啲牛肉上格十分之新解，件件又夠大件，睇落啲花紋油脂好靚，無諗到呢個價格可以食到咁靚嘅牛！之後都仲有叫到唔同嘅火鍋配料，毛肚都係好爽口！除左火鍋料任食，呢到仲有唔同嘅小食可以點，我哋就叫左份皮蛋同木耳，份皮蛋辣得好香口，一啲都唔會差過知名米線鋪食到嘅！而木耳青瓜都好爽口，食咁多肉時食返兩舊消濟就岩曬啦！仲有呢到都有刺身可以點，我哋都食左4樣嘢，啲刺身都食得出係十分新鮮，入口都仲好爽口！啲蝦好甜口！真係隱世小店！一個價格食齊咁多樣！大家快啲嚟試吓唔好走寶！