燒味滷師 (協邦大廈) (已結業)

今晚提前做節，所以打算斬料加餸，見到樓下呢間燒味檔新店開張，門面大概有20人排緊隊，排咗大概15分鐘先到我😂😂排隊期間，有個叔叔大叫燒腩仔賣晒，得返其他燒味，有啲失望🤐 不過咁搶手，代表係好野，下次真係要早啲嚟買🤔🤔不過我今次斬買咗燒鴨、燒鵝、叉燒同鹽焗雞～燒鵝燒得幾靚，燒得色澤紅潤有光澤，夠火喉，外皮香脆肉嫩，啖啖肉，咬落唔會韌，有肉汁唔會乾爭爭，又會太肥，剛剛好～～鹽焗雞都唔錯👍🏻入味之餘肉質鮮嫩，各有春秋🤩燒鴨就肥瘦適中，配埋啲酸梅醬食送飯一流！叉燒份量都唔少，而且啱啱好，肥瘦均勻，齒頰留香！總括嚟講，$254有4款燒味，真係物超所值，唔知新店優惠會做到幾時呢😆