味火鍋 (華僑商業中心)

餐廳地方夠晒闊落，空間感好足，坐得好舒服👍枱與枱之間嘅距離鬆動，唔使聽到前後左右嘅對話內容🤣重點係無限時任飲任食火鍋，同朋友聚會可以慢慢咁食😀成個櫃都係玻璃樽嘅汽水，任你飲😆四小碟前菜，雞軟骨、中華沙律、青瓜同埋雲耳！呢度嘅鴛鴦鍋係唔使另外收費，一個價錢就享用到兩款湯底！芝士焗波士頓龍蝦(半隻)每位顧客可以揀一款頭盤，今晚揀嘅兩款都屬於焗海鮮🐟第一碟係大大隻波龍，味道鮮甜🤩肉質嫩滑，面頭舖滿溶化咗嘅芝士，真係味蕾嘅最高享受😀估唔到打邊爐都有波龍食，感覺到性價比幾高😌芝士焗美國生蠔(3隻)食完龍蝦，繼續食海鮮！第二碟係大大隻嘅生蠔😝美國安格斯牛肉拼盤 (牛小排、牛肩胛翼、封門柳、牛板鍵)四款牛肉部位，要肉味有肉味，要油脂有油脂，滿足到唔同人嘅口味需要😍時令海鮮拼盤出街打邊爐食得多海鮮拼盤，之不過賣相誇張到咁就真係第一次見喇😨😱🤯日本廣島蠔、日本蟹棒、手打墨魚丸、手打蝦丸、新鮮海蝦、鮮鮑魚、刀貝，兩個人砌完呢份拼盤都半飽了🤣自家製鮮蝦水餃皮薄餡靚，賣相靚仔😃蔬菜拼盤食得太多好嘢，平衡返營養吸收😄最後甜品環節，每位一客Movenpick雪糕🍨令呢餐飯畫上完美嘅句號！