見見面 (亞皆老街) (已結業)

見見面主打地道川菜🔥，而旺角分店除左川味小炒外，仲有埋火鍋放題， 一個價錢120分鐘任食，唔同時段仲有唔同折扣優惠添，好抵食下。餐廳古色古香嘅裝橫好雅緻，坐得又舒服。 除咗可以用QR code點肉類同埋海鮮之外，出面既自助區仲有好多唔同嘅火鍋配料同埋嘢飲。呢度最吸引我嘅係，呢度有好多唔同嘅海鮮 ，海蝦🦐、青口、蜆、珊瑚蚌都有。連我最鐘意既魚🐟都有好多款， 龍躉、龍脷柳、脆鯇魚片，仲有我極愛既白鱔片❤️❤️。肉類方面🐂🐂，我特別鐘意，安格斯牛小排、 特級封門柳，香香既牛味，肉質又嫩。而自助區我最鐘意佢有魚腐、黃金麻吉燒同台灣腸。呢啲未必度度食到。野飲呢度有自家冷泡茶，桂花烏龍茶同洛神花茶，夠滋補。