芒果冰 (已結業)

又係上網揾食時間 ,可以坐outdoor既餐廳真係唔多 , 成日去西貢都唔太覺眼呢間漢堡店， 因為比海鮮店擋住吧。餐廳主要坐outdoor, 超貼心係每枱都有把座地風扇，如果無真係一路食一路滴汗。講返野食，漢堡個包好味，牛肉夠厚又軟，磨菇又夠多，芝士又夠溶，成個包都好好味，價錢係可以接受。另一個係海鮮籃，炸粉唔算好厚 , 食落無炸油味，ok好味，不過如果可以選擇款就更好，因唔係每款都食。芒果沙冰，因天氣太熱，好快就飲哂，其實都算幾大杯，下次可以試下其他飲品。