影片
更多
2019-10-27
5 浏览
今晚做孝順孫女帶爺爺去食飯😋爺爺話接近廿年冇出過銅鑼灣，於是就帶佢過海黎到食海鮮粥底火鍋，呢間每位$198都幾抵食！由於實在太口渴，叫咗佢哋嘅粟米汁，侍應話係佢哋每日新鮮磨製，飲落都真係好真材實料，$28一渣好抵飲啊😍之後就上粥底火鍋同海鮮！肉蟹、沙白係贈送的，然後自選5款海鮮。我哋揀咗油貝、花甲、鮑魚、蝦同多寶魚，一上枱見到好大碟好興奮呀😍！！！以二人份量來講真係唔算少，肉蟹一隻，沙白十零廿隻，油貝花甲都有8-10隻，蝦4隻，鮑魚兩隻，多寶魚應該約半條。Size雖然唔係話好大隻，不過勝在都夠新鮮，蝦🦐肉質鮮美彈牙，鮑魚都唔會un，多寶魚好重鮮味👍🏻整體都滿意食完海鮮就要把握時間，用呢個集海鮮精華嘅粥底打邊爐😋呢度可以自選8種配件，我揀咗肥牛、貢丸、魚皮餃、豬紅、竹笙、炸魚片頭、雞件同白魚蛋。肥牛幾重牛味，脂肪比例不高，少左份油香味。竹笙、貢丸同豬紅都唔錯👍🏻食完就可以落埋呢堆野同加粥膽落去個海鮮精華湯底化身海鮮粥，味道好香濃，超好味👍🏻不過溫提一下大家，可以落少啲冬菜，如果唔係就會咸左啲😂因爲個海鮮粥吸哂海鮮同肉嘅精華，本身已經好香濃，唔洗太多調味都足夠！最後仲有糖水同生果送，我地太
今晚做孝順孫女帶爺爺去食飯😋爺爺話接近廿年冇出過銅鑼灣，於是就帶佢過海黎到食海鮮粥底火鍋，呢間每位$198都幾抵食！
由於實在太口渴，叫咗佢哋嘅粟米汁，侍應話係佢哋每日新鮮磨製，飲落都真係好真材實料，$28一渣好抵飲啊😍
之後就上粥底火鍋同海鮮！肉蟹、沙白係贈送的，然後自選5款海鮮。我哋揀咗油貝、花甲、鮑魚、蝦同多寶魚，一上枱見到好大碟好興奮呀😍！！！
以二人份量來講真係唔算少，肉蟹一隻，沙白十零廿隻，油貝花甲都有8-10隻，蝦4隻，鮑魚兩隻，多寶魚應該約半條。
Size雖然唔係話好大隻，不過勝在都夠新鮮，蝦🦐肉質鮮美彈牙，鮑魚都唔會un，多寶魚好重鮮味👍🏻整體都滿意
食完海鮮就要把握時間，用呢個集海鮮精華嘅粥底打邊爐😋呢度可以自選8種配件，我揀咗肥牛、貢丸、魚皮餃、豬紅、竹笙、炸魚片頭、雞件同白魚蛋。
肥牛幾重牛味，脂肪比例不高，少左份油香味。竹笙、貢丸同豬紅都唔錯👍🏻
食完就可以落埋呢堆野同加粥膽落去個海鮮精華湯底化身海鮮粥，味道好香濃，超好味👍🏻不過溫提一下大家，可以落少啲冬菜，如果唔係就會咸左啲😂因爲個海鮮粥吸哂海鮮同肉嘅精華，本身已經好香濃，唔洗太多調味都足夠！
最後仲有糖水同生果送，我地太飽食唔落糖水就冇要了～食左西瓜🍉飽飽就文爺爺返屋企嚕！
张贴
