虎爺海南雞 (已結業)

灣仔道開咗一間海南雞外賣店，比佢哋嘅banner吸引到，好平喎！除咗海南雞之外，佢哋仲有賣一啲小食，好似茶葉糖心蛋、泰式無骨鳳爪、麻辣海帶等等。花生眉豆雞腳湯，又幾吸引喎😎😎唔使次次加餸都係港式斬料，海南雞一樣咁正！夜晚買咗半隻海南雞，加埋個靚湯，啱啱好$100 ，抵食！雞腳湯雖然唔係好大碗，但係非常多料，花生眉豆，雞腳都好似有兩隻，超滿足！湯嘅味道偏淡，冇過分嘅調味，唔錯無骨海南雞有驚喜，就連雞翼都起咗骨！真係完全冇骨，做得幾好，冇食到任何骨碎👍🏼👍🏼雞皮係非常薄！而且冇乜肥膏，配上薑蓉同埋醬汁，清新又滋味👍🏼👍🏼咁嘅價錢，非常值得推薦