影片
更多
2023-06-08
31 浏览
呢輪香港熱到泰國咁，一於就去食啲泰菜應下景🪭嚟到位於九龍城南角道嘅小曼谷，嗌啲涼涼地嘅嘢食下，醫下肚仔啦。今次就嗌咗佢嘅精選午餐，我只想講一句「大件夾抵食🍖」泰皇咖哩軟殼蟹配薄餅 $125風味豬頸肉配無骨海南雞油飯 $75泰式生蝦刺身 $128🐥海南雞好肉、無骨，淡淡嘅雞味，配埋油飯，超舒服。再搭埋豬頸肉，對於一個食肉獸嚟講，完美。跟飯再整碗靚湯清清熱，當堂就暑氣全消🪼我就再加咗杯鹹檸gur 一 gur 佢，跟餐半價$21都可接受嘅。🦀嚟得食泰菜就無理由唔整份咖哩嘆下嘅🍛，軟殼蟹爽脆，唔會成口炸粉，溝埋咖哩就係mix and match。呢個餐可以揀跟飯、麵或者薄餅，我另外嗌咗海南雞飯，所以就輕食一下揀咗薄餅。咁薄餅搭黃咖哩就唔洗講，一定好食㗎啦😂呢啲定律嚟㗎嘛。🦐真係忍唔住，午餐都要叫份生蝦嘆下，生蝦上面放一粒蒜、一粒辣椒，入口層次好好，生蝦嘅鮮，配住辣椒嘅攻，再用蒜頭嘅香提一提味，每咬一下就喺個口腔翻滾一轉，好幸福☺️同埋都係嗰句，天氣咁熱，食一碟用冰盤上嘅菜式，邊有可能唔享受。總括嚟講，食物質素無投訴，價錢宜人。好多野我哋都控制唔到，天氣我哋控制唔到。大個咗，旅行說走就走嘅勇氣不再
今次就嗌咗佢嘅精選午餐，我只想講一句「大件夾抵食🍖」
泰皇咖哩軟殼蟹配薄餅 $125
風味豬頸肉配無骨海南雞油飯 $75
泰式生蝦刺身 $128
🐥海南雞好肉、無骨，淡淡嘅雞味，配埋油飯，超舒服。再搭埋豬頸肉，對於一個食肉獸嚟講，完美。跟飯再整碗靚湯清清熱，當堂就暑氣全消🪼我就再加咗杯鹹檸gur 一 gur 佢，跟餐半價$21都可接受嘅。
🦀嚟得食泰菜就無理由唔整份咖哩嘆下嘅🍛，軟殼蟹爽脆，唔會成口炸粉，溝埋咖哩就係mix and match。呢個餐可以揀跟飯、麵或者薄餅，我另外嗌咗海南雞飯，所以就輕食一下揀咗薄餅。
咁薄餅搭黃咖哩就唔洗講，一定好食㗎啦😂呢啲定律嚟㗎嘛。
🦐真係忍唔住，午餐都要叫份生蝦嘆下，生蝦上面放一粒蒜、一粒辣椒，入口層次好好，生蝦嘅鮮，配住辣椒嘅攻，再用蒜頭嘅香提一提味，每咬一下就喺個口腔翻滾一轉，好幸福☺️同埋都係嗰句，天氣咁熱，食一碟用冰盤上嘅菜式，邊有可能唔享受。
總括嚟講，食物質素無投訴，價錢宜人。好多野我哋都控制唔到，天氣我哋控制唔到。大個咗，旅行說走就走嘅勇氣不再。但心態我哋可以調節，換個角度，食一餐好嘅泰菜，當自己去咗轉泰國🇹🇭，好好享受一段下午嘅時光，其實都一樣可以好Chill
张贴
