極尚大瀛喜日本料理 (已結業)

屋企人話好耐冇去食放題所以我哋就全家一齊去食放題～ 極上大瀛喜真係超級多選擇既放題～ 有刺身有壽司，有燒物又有炸物，有唔同既鍋，仲有好多甜品！我哋叫咗牛肉壽喜燒！份量好足～仲見到有酸菜魚鍋～ 好多唔同嘅鍋物～ 炸物好多選擇都好好味！有炸雞翼，炸香芋丸，炸牛奶，炸小番薯，炸蝦，炸南瓜！炸物真係好出色！尤其係炸南瓜，炸粉好薄好好味！炸雞翼都好正！咸食我地叫左牛油粟米，鮑汁花膠，燒元貝～ 全部都好好味！放題居然仲有花膠食！真係非常之抵！燒蝦都好好味！壽司有花之戀，仲有好多唔同嘅刺身同壽司！全部都好好味！蟹肉小多士香口又正！燒牛舌超級好味！誠意推薦一定要叫！爽口彈牙嘅牛舌，入口香濃牛味，值得叫幾次！