👉🏻鎮店四鳥配椰汁酸湯檬粉 $88✨
四鳥包括脆雞皮，手撕雞，滑雞件同香脆雞。椰汁酸湯係用雞骨熬製嘅湯底，加入左椰汁、酸子同醋等等嘅配料，飲落口唔會太酸，越飲越開胃，酸帶住陣陣嘅椰汁味喺口入面擴散，味道非常特別，好少喺越南餐廳飲過呢種味，都幾鐘意😋檬粉份量好多，未食哂已經飽啦🫢雞皮脆口大塊冇油膱味。手撕雞份量多，唔會乾柴。滑雞件以葡汁雞方法烹飪，雞滑身，嫩口多汁，唔會有雪櫃味。香脆雞大件，外脆內軟，有肉汁，唔會炸到太脆口整損個口，炸得恰到好處🙂↕️
👉🏻蒜蓉牛油海南雞髀撈金邊粉 $98✨
一上枱嘩左聲，因為好多雞，同好大碗麵🤣雞數過有8舊左右🤣每舊雞都已經起哂骨，雞肉好嫩滑，好似就咁滑入個口咁😋雞肉大大舊，食落好滿足。金邊粉係越式金邊粉來，口感煙靭，仲食到好香濃既米味🙂↕️金邊粉再配埋炸蒜，葱，青瓜絲同生菜絲，淋上檬汁，食落好夾，酸甜得來又開胃🥰食哂成碗麵勁飽肚，差D小食都食唔到🫢
👉🏻招牌椒鹽軟殼蟹 $92✨
即叫即炸，外觀望落非常酥脆，外面薄脆但唔會好油膩🙂↕️食落口外皮香脆，入面蟹肉軟嫩，炸衣同蟹既比例恰到好處，炸衣唔會太硬，可以保持到口感層次之餘又唔會掩蓋蟹既鮮味。軟殼蟹中間仲有滿滿既蟹肉，同埋都唔細隻，兩個人share就啱啱好😋
👉🏻法式芝心蝦多士 $55✨
同樣都係即叫即炸，賣相精緻誘人，金黃色既外層鋪滿芝麻，炸得香脆，內餡釀左厚實既蝦膠同融化既芝士。咬落去多士外層酥脆，入面食落好飽滿，蝦膠新鮮彈牙，加埋芝士一齊食落口，有滿滿既滿足感😋
👉🏻凍龍眼花蜜茶 $29✨
新鮮自家煲既花蜜茶！入口冰涼順喉，甜度恰到好處，不會過分甜膩。飲到有淡淡既蜜香，同茶底融合得十分協調。蜂蜜既香味柔和，清爽不黏喉，唔會有喉嚨唔舒服或者想咳既感覺😌
1
3
