四季‧悅 日本餐廳 (遠東金融中心)

經某平台獨家購入加多$1蚊多一位長者或小童優惠食放題，手機QR code落單，選擇都幾多，本人專攻壽司刺身,因為刺身壽司類好快，熟食唔知係咪即點即做，出餐比較慢，例如我點左個比目魚西京燒，起碼要四、五個字先上到枱,茶碗蒸最快都要三個字先上到，建議先點熟食先，再點刺身壽司類，必點既有海膽醬燒赤蝦壽司，蔥吞拿魚蓉軍艦,吞拿魚蓉黑松露帶子壽司，日式蒸蛋（即係茶碗蒸),佢有個進階版磯燒鮑魚茶碗蒸，但係芡汁比較重，我嫌遮蓋左蛋香味，大家可以叫哂兩款，衡量下邊個好食d，比目魚西京燒因為較細嚿&多骨，食用要較小心d，清酒煮蜆都幾咸下，有少少沙,唔建議點
甜品：每人限定一個焦糖布甸雪糕外，有雪條任食（要自己出去攞），其他甜品亦都係任點

食完臨走要比成人加一服務費($48），小童&長者唔駛收加一，本人拖一位長者除開平均每人消費都係193.5一位，環境算OK，亦都無其他放題咁混亂,都只係漏過一張Order,超抵食

帆立貝&八爪魚刺身

磯燒鮑魚茶碗蒸

立魚，劍魚腩，馬刀貝&赤貝刺身&熟蝦

海膽醬燒赤蝦壽司,葱吞拿魚蓉軍艦&吞拿魚蓉黑松露帶子壽司

1

海膽鮑魚壽司,加州卷，鰻魚&蟹棒

清酒煮蜆

蒜蓉燒青口

比目魚西京燒

日式蒸蛋

焦糖布甸雪糕