Grill n More (已結業)

對上一次食放題已經係疫情之前嘅事，最近疫情好似好返少少，所以嚟咗呢間Grill n More試吓佢出邊望入去已經覺得餐廳地方好大，樓底好高，我諗應該可以容納到200個人，對住門口有一幅好大嘅graffiti，幾有時代感，入到餐廳老闆安排咗我哋坐卡位，兩個人嚟講空間都幾闊，啱哂食放題嘅我哋。行個圈好容易就發現，肉類嘅款式好多，大部份都醃製過，方便我哋燒嘅時候更加入味 👍🏻除咗肉之外, 仲有青口、粟米、金姑、香腸可以燒，款式好多 🍣 壽司都有幾款：三文魚刺身，加州卷、蟹柳卷、青瓜卷等，都幾新鮮 熟食方面有好多選擇，有咕嚕肉，蒜蓉西蘭花，牛筋蘿蔔等等，加埋個紅青蘿蔔湯，真係好潤。除咗湯之外，仲有清酒梅酒同果汁先生都係任飲嘅，呢個價錢真係超抵 🙈 經過幾輪激戰之後，我哋終於都去到食雪糕時間，又係任食嘅，真係邪惡到極點😂 佢哋竟然有經典嘅大腳八雪條同Mega脆皮！真係好驚喜😝 完全係出賣咗我哋嘅年齡，最後我哋一人一條食完之後就飽到食唔到其他嘢啦，老闆跟住仲同我哋講叫我哋試吓個榴槤雪條😂 不過個肚已經唔夠位啦，榴槤控一定要來試試佢，老闆話一個下午已經清咗3盒 🙈呢次放題就俾咗$178加一/位，可以