十十川滬料理 (已結業)

来朗豪坊行完街就去美食广场果边觅食，见到有间十十川沪料理，开始系想食辣野，点知入到去发觉有好多选择啊，有锅物放题，又有套餐。忽然见到个晚市二人套餐好似几抵下，仲系上海菜，就想试下。一般套餐既话，会有心理准备距可能分量细少少。点知上来一睇，全部都正常分量，上菜又好快，一阵就成台送了，真系好抵食。凉拌莴笋丝，睇落无味甘，食落系有花椒味，五太辣，但系香，几好食。花雕醉鸡好浓花雕香，鸡肉都嫩滑，而且鸡皮五肥。鲍鱼腌笃鲜系有鲍鱼架，味道都好好，连腐皮都入味。松子糖醋骨，首先个分量系真系好多，其次滴排骨基本上系易脱骨的部位，食得好方便，最后就系个味道，五会太甜，有松子既香味，值得推荐。鲜奶赛螃蟹滴蛋同奶都嫩滑，送饭一流。干煸四季豆首先五干身，本身食材系嫩既，味道甜甜辣辣，五错。最后仲有炒年糕，小笼包，仲有2碗大大碗既芋圆冰粉，2个人食到撑，抵食又好食。