影片
更多
2020-10-28
1134 浏览
小長假既前一日，去左港島行下~~想食日本野, 經過就比佢吸引左入去 店鋪比我既感覺好乾淨, 每個座位都分隔得好好, 好安心!未叫野食已經送左2個雪糕球比我地 ^^ 好正!!打開餐牌, 好多野都好想食, 尤其係呢個石燒和牛~~於是我地就非常果斷咁樣叫左 左上角既 A4和牛!之後仲叫埋呢個壽司拼盤,因為疫情關係, 我地都比較少食全生既食物~而呢度每1個選項都有熟食, 好貼心ar!!~~因為今日都幾大風, 我想食d暖笠笠有湯既食物, 所以叫左個牛肉鍋烏冬暖下身!首先黎左前菜~石板燒首先出現!要燒到佢熱一熱先可以放牛上去, 所以我地期間食左其他野先~等既期間黎左牛肉鍋烏冬,烏冬爽滑彈牙, 暖笠笠好正! 其中一樣最期待既就係呢個自選壽司拼盤喇！每一件都好正，有鰻魚、蝦、蟹棒、三文魚、等等，全部都好甜好好味 另外仲有天婦羅炸蝦同甜薯都好炸得好鬆脆~不得不提既就係呢個蟹肉蟹膏蓋飯, 都係包埋係自選壽司拼盤套餐入面既,真係不得了~~~超多蟹肉蟹膏, 仲要有蟹鉗添!!撈埋一齊食又鮮有好食! 啖啖都係蟹肉啊~~~~~~~~~好好食!!食食下, 石燒牛既石板終於熱起, 和牛就上枱喇~~~一見到D油花就知道
想食日本野, 經過就比佢吸引左入去
店鋪比我既感覺好乾淨, 每個座位都分隔得好好, 好安心!
未叫野食已經送左2個雪糕球比我地 ^^ 好正!!
打開餐牌, 好多野都好想食, 尤其係呢個石燒和牛~~於是我地就非常果斷咁樣叫左 左上角既 A4和牛!
之後仲叫埋呢個壽司拼盤,因為疫情關係, 我地都比較少食全生既食物~
而呢度每1個選項都有熟食, 好貼心ar!!~~
因為今日都幾大風, 我想食d暖笠笠有湯既食物,
所以叫左個牛肉鍋烏冬暖下身!
首先黎左前菜~
石板燒首先出現!要燒到佢熱一熱先可以放牛上去,
所以我地期間食左其他野先~
等既期間黎左牛肉鍋烏冬,烏冬爽滑彈牙, 暖笠笠好正!
其中一樣最期待既就係呢個自選壽司拼盤喇！每一件都好正，有鰻魚、蝦、蟹棒、三文魚、等等，
全部都好甜好好味
另外仲有天婦羅炸蝦同甜薯都好炸得好鬆脆~
不得不提既就係呢個蟹肉蟹膏蓋飯,
都係包埋係自選壽司拼盤套餐入面既,真係不得了~~~
超多蟹肉蟹膏, 仲要有蟹鉗添!!
撈埋一齊食又鮮有好食! 啖啖都係蟹肉啊~~~~~~~~~
好好食!!
食食下, 石燒牛既石板終於熱起, 和牛就上枱喇~~~
一見到D油花就知道係超高質喇!!!
首先落左牛油燒一燒, 再每次放上2塊和牛,
入口即溶, 滿口油脂既感覺真係好幸福呀~~~~~~~
今餐食得超級滿足, 一定一定一定會再返黎幫襯呀!
總括而言, 呢間餐廳真係必食推介之一!!!
臨走之前, 見到呢度有賣YF出品既口罩~
超正呀!! 不過屋企已經買落唔少口罩, 所以無買到..
等屋企d口罩用晒之後, 可以過黎呢度補補貨~
张贴
