大瀛喜日本料理 (已結業)

之前喺觀塘食過一次大瀛喜，已經覺得好高質，今次見做緊優惠，同朋友黎開旺角即刻食返多次先！疫情底下一嚟到已經見到好多人，我同朋友急不及待放低啲嘢就出去睇嘢食，點知冇黎一排見到佢嘅食材仲多咗！首先飲品方面有自助飲品機，咖啡奶茶不在話下，但係仲有啲比較特別嘅飲品，例如柚子茶。然後俾我發現呢度仲有清酒同梅酒，咁高享受得唔得㗎！（當然都有仲有正常嘅茶同支裝飲品）然後比較特別嘅就係海鹽雪糕，喺熱嘅天氣見着個顏色特別開胃！之後就到手機點餐嘅部份啦，其實就唔算加多咗好多新野，但係招牌菜依然喺度！首先一定要叫嘅就係刺身船，你可以按住你嘅喜好佢點然後佢就會幫你切好靚靚嘅刺身船啦！之後我個人比較推介呢就有牛肉鍋、芝麻雞翼、榴槤炸彈、沙律醬虎蝦(唔記得個名）、西京燒，其實好多嘢都好好食，不過我覺得呢黎呢度重點係唔好一次太貪心叫太多，因為啲嘢凍咗就唔好食㗎啦！而且呢到送嘢食嘅速度超級快！我手機點餐1分鐘後已經陸續有野送上黎，絕無呃時間！