台灣館 (已結業)

🇹🇼台灣館 Taiwan Restaurant 係得寶商場呢啲比較舊嘅商場，原來有好多隱世餐廳！！係一樓比較入嘅位置竟然俾我發現呢間台灣館，咁耐冇得去台灣玩真係要試試啲台灣菜過吓癮🤤🍍鳳梨甜酸肉($58)呢個菜名可能有啲陌生，但係其實就係我哋成日食嘅咕嚕肉！！甜甜酸酸咁，炸過嘅肉淋上甜甜酸酸嘅汁，仍然保留少少脆嘅口感，非常開胃。🐓香辣干鍋雞($61)超級濃味嘅雞，雖然佢話香辣，但係其實都只係小辣，唔係太食到辣嘅人都食到！🐟酸菜烤魚($63)大大條魚送到上到嚟都覺得震撼！食到超級飽，加埋呢個價錢點都抵食啦🤤呢間餐廳環境好舒服，光線超級光猛，我坐靠近窗邊，仲可以望到出面嘅環境添。